28. november 2009

Strikkepinneetui

Eg har fått meg to herlege strikkepinneetui =)
Desse er laga og kjøpt hos Vevang Produksjon - Trykk her.


Snille, snille mamman min <3

27. september 2009

Babyteppe

Da er to av babyteppa i tynn alpakka ferdig;

Her er det i lyserosa, medan det kvite allereie er ute av huset!
Det er så utruleg fort gjort å gløyme å ta bileter av ting, før dei blir gitt vekk.

18. september 2009

Kor mykje er ei jente verdt?


Plan Norge har ein jentekampanje gåande;

"Jenter blir i mange samfunn sett på som mindre verdt enn gutter. Resultatet av denne kjønnsdiskrimineringen er blant annet at færre jenter overlever de første årene, går på skole og de giftes bort mens de ennå er barn."


I tillegg til å vere plan fadder, har eg no også gitt mitt ansikt til støtte for denne saken;


Q; Har du gitt ditt ansikt?

15. september 2009

Garnkjøp!


Aller først må eg starte med å sei tusen takk til Veronica og Solveig for herlege bursdagspresangar!

Av Veronica fekk eg desse herlege nøsta;

Fire nøster med mirasol (100 % alpakka).

Av Solveig fekk eg eit gavekort på trådbtuikken. Noko som sjølvsagt resulterte i ein tur innom. Dette er også ein fin taktikk om ein ynskjer å bli kvitt litt pengar =)

Eg kom dermed ut igjen med dette;

Fire hefter med ulike oppskrifter;

Fire nøster med lyseblå babyull. Lurer på om det kanskje må bli ei babybukse eller noko liknandes av desse;

Desse tre nøsta er tiltenkt ei Mariushue;

Og desse to nøsta skal det nok lagast fleire slike herlege babyhuer med dusk av;

Og dette blei bestillt på nettet, og kom dermed i posten idag; Fire nøster Baby Silk frå "Du Store Alpakka". Desse blir det nok laga babyteppe av;

Fire nøster Tynn Alpakka frå "Du Store Alpakka". Det vert nok enda eit babyteppe av desse;

Desse herligheitene skal bli til sokkar, etterkvart;



Og av desse skal eg prøve meg på å lage ei pute / ein puff liknandes sak;

LYKKE!
Gjett om eg skal kose meg i tida som kjem =)

11. september 2009

Pakke i posten!

I dag dumpa denne herlegheita ned i postkassa  mi;


Heftet "Mauds Hjerte" av Ellinor Kvammen, inneheld mange herlege oppskrifter på sokkar, som eg ser fram til å prøve meg på å strikke. Ein stor applaus til Ronille (Ellinor) som står bak det heile!

1. september 2009

Babyteppe

Snakk om vinglepetter! Eg burde snart få diplom for antal påbegynte prosjekt :)
Det forige babyteppet er fortsatt berre halvferdig, og no har eg visstnok begynt på eit nytt!?!


Men denne gongen er eg heldigvis unnskyldt!

Grunnen til at eg har begynt på dette babyteppet er at det er ein ny verdensborgar like om hjørnet. Og alle er vel einige i at lyserosa ikkje passar til ein gut? Eller!?!

31. august 2009

Babyteppe

Eg begynte som sagt på eit babyteppe i "Tynn Alpakka" i går.
Så langt er eg komme omtrent halvveis, og slik ser da babyteppet ut;


Så mjukt og så godt!

30. august 2009

Babysokkar

Har strikka eit par babysokkar. Eller dei har i grunn vore ferdige ei stund no, men det er noko med den trådfestinga... Merkeleg at det skal vere så vanskeleg i grunn, ettersom at det er så fort gjort?


Neste prosjekt ut er eit lyserosa babyteppe, strikka i tynn alpakka!

19. august 2009

Djevelhue


Eg har strikka ei lita djevelhue, til ein liten gut;
På min lille, søte modell, så ser hua slik ut;


Hua er strikka i Tynn Alpakka, frå Du Store Alpakka, på pinnar nummer 2,5 mm.

Til slutt la eg opp 80 masker, og strikka ein gong over, før eg så felte av. Gjentok dette ein gong til, og vips, to snorer som var klare til å syast på!

9. august 2009

Kos meg!

Innimellom får Tassen eit akutt (!?!) behov for litt kvalitetstid på fanget. Dette inneber altso mykje kos.Veldig mykje kos. Det er ikkje så nøye om det passar akkurat no. Og held du på med noko eller er opptatt, ja så er det ekstra stor stas! Sjølvsagt er det Tassen som er prioritet nummer èin! Om det er oppå eit blad, ein pc, strikkepinnar eller diverse andre ting, så er ikkje det så farleg. Det er nemleg kosetid! KOS, KOS, KOS!


Slik ser det altso ut når Tassen slår til;

5. august 2009

Sokkar

Besta har strikka endå eit par med sokkar til meg =D Og sjølv om eg snart har minst 100 par med sokkar, og sjølv er ein racer på dette området, så er det ingenting som slår det å få noko som er strikka av andre. Tusen takk, besta!

Oppdatering

Det blir ikkje så mykje oppdateringar for øyeblikket. Årsaken til dette er vel at det ikkje har blitt så mykje strikking i det siste heller. Eg har vore litt på farta innimellom og da blir det gjerne litt nedprioritert. Desverre! Held fortsatt på med babyteppet, ellers så må det jo litt småprosjekt til i mellomtida. For øyeblikket held eg på med eit par babysokkar;


Ellers så har eg laga meg ein blogg, i tillegg til hobbybloggen min, for litt meir generelle kvardagsting =) Så for dei litt meir interesserte, ta turen innom; http://www.anettehsu.blogg.no/

20. juli 2009

Babytøflar

Eg har strikka eit par babytøflar innimellom alle lappane til babyteppet :)

For dei som har fulgt meg ei stund no, så veit ein vel gjerne at slike prosjekt pleier å gå under "langtidsprosjekt" her hos meg. Og som kanskje nokon huskar så begynte eg jo både på bølgeteppet og fisketeppet for lang tid sidan. Kvar desse har tatt vegen? *KREMT* Nei, det snakkar vi ikkje meir om!


Her er i allefall tøflene;

Desse tøflene har eg strikka i tynn alpakka. Eg har brukt pinnar nummer 2,5 mm.


16. juli 2009

Gode filmar?

Har sett eit par filmar i det siste. Filmane eg tenkjer på er; "The curious case of Benjamin Button", "The boy in the striped pyjamas" og "Slumdog millionaire".
Alle desse tre filmane er heilt fantastiske. Er det nokon som veit om, eller som kan anbefale nokon andre filmar i same kategorien som desse?



8. juli 2009

Mission Complete!

Då var eg i mål! Oppdraget er fullført og siste UFO på lista, som eg lagde meg litt lenger nede på bloggen, er no fullført. Desse sokkane skal eg behalde sjølv :)


Sokkane er strikka på pinnar i størrelse 3,0 mm. Har brukt opalgarnet som eg fekk av Ronille i HV-pakke for litt sidan.

20. juni 2009

Snart i mål (UFO framgang)

Då nermar eg meg målstreken :) No gjenstår det kun eit sokkepar til meg sjølv før eg er ferdig med den tidlegare nemnte UFO lista mi.


Desse sokkane er strikka i opal sokkegarn og pinne nummer 3.0 mm.

18. juni 2009

Nysgjerrigper!

Snakk om nysgjerrigper! Tassen står i vindauget å følger med på ALT og ALLE som tuslar forbi. "Kem? Ka? Kor?" Her er det ikkje snakk om å gå glipp av noko som helst. 


Til tider kan det bli litt for spennande og då kjem det eit lite "Boff"

15. juni 2009

Sommarferie =D

Eg har tatt sommarferie=) Skulen er over for denne gong, og alle eksamenane er i boks. No skal eg berre nyte tida som kjem. Ellers må eg også berre få med at eg avslutta med å få A i praktisk tverrestetisk (drama, forming og musikk) eksamen - WEE!

13. juni 2009

Babykjole


Endå ein UFO er blitt ferdigstillt. Det går sakte men sikkert framover med UFO lista mi som er nemt tidlegare her på bloggen. Har ikkje vore så mykje tid til overs i det siste, sidan både flytting og eksamen krev sitt. Denne kjolen har vore ferdig ei god stund. Den har berre mangla knappar samt eit par trådar som har venta på å bli festa.



Kjolen er i størrelse 0-3 månadar, og den er strikka i "Bambino ull" frå Idèna. Eg har tatt utgangspunkt i oppskrifta frå boka "myk start".

5. juni 2009

Framgang på UFO`ar

Tjo hei så det går. No er 3 av 5 UFO`ar ferdige og eg nærmar meg sakte men sikkert målet som eg sette meg. Eg seier ikkje med dette at eg ikkje har fleire UFO`ar liggande, for det ville jo nesten vore å lyge. Denne gongen er det sokkane i størrelse 2 år som er blitt ferdige.


Sokkane er strikka i babyull og på pinnar nummer 2,5 mm.

Eg har faktisk ikkje begynt på eit einaste nytt prosjekt i mellomtida. Heilt utruleg spør du meg! Fortjenar jo nesten ein diplom :)

31. mai 2009

Sokkar

Då var UFO nummer to ferdigstilt. Dette blei eit sokkepar som eg skal behalde sjølv! Eg har vel sokkar i omtrent alle regnbogens fargar, så no var det verkeleg på tide med eit einsfarga par i ein noko meir nøytral farge.

Sokkane er strikka på pinnar nummer 2,5 mm. Har strikka dei i arwetta. Eit fantastiskt garn til sokkar.

21. mai 2009

Ferdig Objekt

Første UFO har landa og er no blitt ein FO, med andre ord eit ferdigstillt objekt.


Oppvaskfilla er som den forige strikka i "Mandarin Petit". Også her er det pinne nummer 4,0 mm som er tatt i bruk.

20. mai 2009

U Ferdige Objekter (UFO)

Som eg skreiv i kommentarfeltet i innlegget under så er eksamenstida like rundt hjørnet. Den første eksamenen for min del, går av stabelen mandag 25. mai. Dette er ein muntleg gruppeeksamen i begynnaropplæring (BOL) som består av faga norsk, matematikk og pedagogikk. Dette burde jo dermed vere eit sikkert teikn på at eg skulle halde meg langt unna alt som heiter blogg, hobby, pc og liknande. Eg burde bruke all mi dyrebare tid på å grave meg ned i diverse pensumbøker og anna faglitteratur.

Men, neidå! Her sitter eg. Med pc`en godt planta i fanget. Og innlegget ser i tillegg ut til å bli eit av dei lengste innlegga eg har skrevet hittil.

Såh! Over til det eg eigentleg skulle skrive om i dagens innlegg. Det har seg nemleg slik at eg har ein haug med påbegynte (små)prosjekt på hobbyfronten. Desse har eg no bestemt meg for at eg skal gjere ferdig i nærmaste framtid. Men målet er vel igrunn å klare det utan å begynne på endå fleire nye prosjekt! Ønsk meg lykke til! Og om eg ikkje skulle bli ferdig... Jah, då skyldar eg på at eg held på å lese til eksamen (!?!)

UFO #1:
Ei oppvaskfille strikka i "Mandarin Petit" og på pinnar nummer 4,0 mm. Denne burde jo vere ein enkel sak å ferdigstille!

UFO #2:

Eit par sokkar, størrelse MANN!
Snart ferdig med ein, så "one to go"!
UFO #3:

Eit par sokkar til meg sjølv =)
Her er det omtrent berre tåfellinga som gjenstår.
UFO #4:
Endå eit par sokkar til meg sjølv =)

UFO #5:

Eit par sokkar, størrelse 2 år.

19. mai 2009

Oppvasksfille

Ei oppvasksfille har funne sin plass på kjøkkenet. Fin til pynt og fantastisk gode i bruk.


Denne oppvasksfilla er strikka i "Mandarin Petit" og på pinne nummer 4.0 mm.

17. mai 2009

Gratulerar med dagen!

Ynskjer alle ein riktig fin 17. Mai.

12. mai 2009

Sokkar

Endå eit par sokkar er blitt ferdige. Denne gongen er dei strikka i noko større utgåve enn sist. Lange og gode!

Sokkane er strikka i garnet Arwetta og pinnstørrelsen var nok atter ein gong 2,5 mm. Snakk om å setje tolmodigheita si på prøve, gang etter gang.

Desse sokkane skal eg nok behalde sjølv. Dei blir nok putta rett i "sokkesamlinga" mi. Ja, for eg kan vel faktisk kalle det nettopp det!

Det er jo tross alt ullsokkesesong i min verden året rundt... Det er i allefall ikkje langt ifrå =)

10. mai 2009

Babysokkar

Eit par babysokkar er blitt ferdige i løpet av dagen :)


Desse sokkane vart påbegynt for LAANG tid sidan. Det er merkeleg kor lett det er å leggje påbegynte prosjekt til sides, for så å begynne på noko nytt. Sokkane er strikka i babyull pluss litt restar av ein annan tråd. Pinnar nummer 2,5 mm er brukt.

9. mai 2009

Nytt vidunder

Eit nytt vidunder er komme inannfor husets fire veggar :)


Siste investering, som mange av dykk kanskje skjønner, er altså ei nøstemaskin! Fantastisk korleis eit nøste kan bli. Til og med restegarn er blitt ein kjekk ting å ha no. Særleg etter at nøsta blei sjåande slik ut!

7. mai 2009

Voff voff!

Då var det på tide å leggje inn eit lite bilete av dei to sjarmtrolla mine her på bloggen :) Begge to er av samme rase, nemleg Tibetansk Spaniel.


Tassen til venstre og Lucy til høgre!

Hue #4

Endå ei hue har sett dagens lys :) Hua er strikka i størrelse 2 år.


Som alle dei tidlegare huene eg har strikka, så er også denne hua strikka i "Bambino ull" frå Idèna. Hua er strikka på pinne 3,0 mm.

6. mai 2009

Uhuu!!

Då har eg prøvd meg på å strikke uglemønster, eg også! Eg kan då ikkje vere noko dårlegare enn alle andre:p Ettersom at mønsteret var nytt for meg, kom eg fram til at det var best å prøve seg på noko lite og enkelt. Valet fall dermed på eit panneband.


Pannebandet er strikka i babyull frå Gjestal og på pinne nummer 2,5 mm er brukt. Har også gitt den eine ugla eit par auger, som ein siste "finish".

10. april 2009

Hue #3

Desse huene var jo fantastisk artige å lage! Noko som dermed har resultert i at endå ei lita hue er blitt ferdig sidan sist.



Hua er strikka i "Bambino ull" frå Idèna, på pinne 3,0 mm. Ynskjer alle som er innom bloggen ei fortsatt god påske!

8. april 2009

Julius gensar

Då var Julius gensaren endeleg blitt ferdig.
Ettersom at eg ikkje er heilt stødig når det gjeld heklenåler endå, så har gensaren blitt overlevert til andre, for ein siste finpuss!


Gensaren er strikka i Falk frå Dalegarn og på pinne nr. 2,5 og 3,0.

Størrelse 4 år.

6. april 2009

Sokkar

Eit par små "joosa" sokkar er blitt ferdige sidan sist.

Sokkane er allereie forsvunne ut av huset, og er blitt overleverte til sin nye "eigar".
Related Posts Plugin for WordPress, Blogger...