26. desember 2014

ebay-tips #3

Er du like glad i å reise som meg? I så fall må eg berre få lov til å tipse om denne nydelege og praktiske saken. For ei tid tilbake bestillte eg meg nemleg nokre passlommer i frå ebay. Heilt geniale. Med desse lommane er det ikkje lenger vanskeleg å sjå kven av oss passa tilhøyrer :)


Lommane er både fine og praktiske. I tillegg til å beskytte sjølve passet, har dei óg plass til billettar og andre nødvendigheiter. Nydelege, ikkje sant? Og prisen? Rundt ein tiar (inkludert frakt) :)
Dykk finn dei her.

24. desember 2014

God Jul!

Eg vil ynskje alle lesarane mine ei riktig god jul! Håpar dykk får ei fin julefeiring saman med vener og famililie. Ta vare på alle dei du er glad i, og ikkje gløym kva jula eigentleg dreiar seg om, nemleg kjærleik 


Vi skal for aller fyrste gong sjølv lage til selskap på julafta i år, så er veldig spent på kveldens resultat. Treet er pynta, pakkane er på plass og bordet er dekka og klart, så no er det berre julemiddagen som gjenstår. Satsar på at alt går som smurt - jul vert det vel uansett :)

God Jul til deg og dine!


Minnar om at det er ekstra viktig å ta vare på dei som ikkje har det så bra på denne tida av året - det er diverre så alt for mange som av ulike årsakar opplev jula som ei ekstra vanskeleg tid 

30. november 2014

Konkurranse; Vinn personlig almanakk!

//Konkurranse i samarbeid med personligalmanakk.com

I dag er det første søndag i advent og i samarbeid med personligalmanakk har eg gleda av å
dele ut ein valfri almanakk til ein av mine fantastiske lesarar. Dette er den perfekte gåva, til deg sjølv, eller nokon du er glad i  Inne på sidene deira kan du designe din eigen, heilt personlege almanakk. Du kan velge størrelse, fargar og innhald heilt sjølv, nett slik du ynskjer det. Betre kan det vel ikkje bli?


Ellers vil eg tipse om at du finn personligalmanakk både på facebookinstagram og på snapchat @pers_almanakk. Følg dei gjerne for å få tilgong på ulike tilbod og kampanjer, samt mykje flott inspirasjon. Nedanfor ser du bilete av min personlege almanakk for året som snart er forbi;
For å delta;
Det einaste du treng å gjere for å vere med i trekninga av din eigen personlege almanakk er å leggje igjen ein hyggjeleg kommentar i kommentarfeltet nedanfor.

Premien er sponsa av;

Konkurransen vert avslutta søndag 7. desember.
Lykke til!

21. november 2014

Storproduksjon

Jula nærmar seg med stormskritt, og strikkepinnane går flittig mellom fingrane. For tida er det kjøkkenklutar som vert produsert - på løpande band. Desse klutane står ikkje berre på mi ønskeliste, så det vert nok nokre slike under juletrea rundt om kring, også i år :) 


Nedanfor finn du oppskrift på desse klutane dersom du ynskjer å strikke slike sjølv. Dei er superenkle å strikke. I tillegg er det eit kjekt lite strikketøy å ty til framfor tv-skjermen. Freshe fargar etter eige ynskjer, og garn som kan vaskast på 60 grader. Betre kan det vel ikkje bli?  Perfekte som gåver!

Oppskrift; 
Eg legg opp 3 masker og aukar deretter i nest siste maske på kvar pinne til omtrent halve nøstet er brukt opp. Deretter fell eg ved å strikke dei to nest siste maskene saman på kvar pinne til det gjenstår 3 masker på pinnen. Avsluttar så med å lage hempe på kjøkkenkluten ved hjelp av i-cord snor.

8. november 2014

Oppussing; Ny vedovn

I går kveld fekk vi endeleg innvia den nye peisovnen vår.

FØR; Slik såg det ut før vi begynte med arbeidet - ikkje akkurat noko topp moderne vedovn dette. Ikkje har eg vore så veldig begeistra for platået som ovnen står på heller.


ETTER; Platået som var der før er endeleg vekke og nye fliser er no komme på plass, både på golvet og på veggen. Vidare falt valet på ein stilrein peisovn frå Wiking, modellen Nordic 9G. Det skal bli godt med ein ovn som ikkje berre brukar masse ved, men som også avgir rikeleg med varme.


Vi er strålande fornøgd med resultatet og eg ser fram til mange koselege kveldar framfor ovnen :)

5. november 2014

Å jul med din glede...

... og barnlige lyst, vi ønsker deg alle velkommen ♪ ♫ ♪

Tida flyg og dagane rasar avgårde i ein forrykande fart. Nedtellinga fram mot jul har begynt for fullt her i huset og vi er allereie godt i gong med årets julegåver. 


Dei seinare åra har eg nemleg sett meg som mål å vere ferdig med julegåvene rundt 1. desember, noko som har fungert kjempe fint så langt. Og i år har vi verkeleg slått på stortromma - for no er det neimen ikkje mange gåvene som gjenstår. No skal eg kose meg med å pakke inn siste rest, for det er ikkje mykje som er betre enn å kunne slappe av og berre nyte julemånaden.

2. november 2014

Halsar i fleng...

Eg har den siste tida strikka til saman fire halsar i ulike fargar og variantar. Eg fekk nemleg ei bestilling av ein god kollega som ønska seg ein heimelaga hals. Så no er det berre å velge og vrake. Dei resterande halsane havnar nok rett i gåvekassa. Det er jo tross alt ikkje lenge igjen til jul.


Neste prosjekt ut er også eit bestillingsverk - denne gongen ein liten Skappelgensar 

19. oktober 2014

Oppussing; Ny vedovn

Her i huset er det ikkje stort anna enn rot og støv å finne denne helga. Vi har nemleg begynt å rive ned flisene i hjørnet der vedovnen står. Det skal bli så godt å få på plass nokre andre fliser, og ikkje minst ein ny og litt meir moderne vedovn. Denne er alt på plass i garasjen - så kryssar figrane for at den er i hus om ikkje så alt for lenge.

Slik såg det i allefall ut før vi begynte med arbeidet - ikkje akkurat noko topp moderne vedovn dette. Ikkje har eg vore så veldig begeistra for platået som ovnen står på heller.


Undervegs - golvfliser og platå er no historie;


Det nye ovnshjørnet tar form;


5. oktober 2014

Rosasløyfesokk

Det er igjen blitt oktober og Rosa sløyfe-aksjonen er no i gong. Målet med denne aksjonen er å syne solidaritet med brystkreftramma, spreie informasjon og auke kunnskapen om brystkreft, samt å samle inn pengar til forsking på dette området. Aksjonen vert markert i heile oktober, og kampen mot brystkreft vert symbolisert
av den rosa sløyfa;

Den rosa sløyfa kan du blant anna kjøpe her.


Eg ynskjer sjølvsagt å støtte vidare forskning innanfor området, og har dermed støtta Rosa sløyfe-aksjonen, også i år. Denne gongen har eg valt å støtte aksjonen ved å kjøpe mønsteret til "Rosasløyfesokk" på Ravelry. Så no er passande garn og pinnar funne fram, og eg er klar til å sette i gong med eit av årets mest givande strikkeprosjekt;


Ved å kjøpe dette mønsteret støttar du Kreftforeninga med 100 kroner. Mønsteret er laga av Lill C. Schei. Det er designa spesielt for Rosa sløyfe-aksjonen, og pengane går uavkorta til forskning på brystkreft.



Ver rosa i oktober, du óg!

26. september 2014

Mange godbitar!

I dag var det reine julafta her i huset, og du kan tru det er nokon som skal kose seg i helga. Mange flotte oppskrifter og ikkje minst mange herlege garnnøster i ulike variantar 


God helg til deg og dine!

22. september 2014

Magnus Hagemus

// Annonselenkjer
Av ein liten garnbunt og nokre ledige stunder tok det ikkje lange tida før Magnus Hagemus vart til. Det vert ein del putl med slik småstrikk, men eg må sei meg godt nøgd med det ferdige resultatet. Vert nok fleire eksemplar av denne vesle sjarmøren. Hagemusa har no funne sin plass i barnehagen - til glede for både liten og stor :)


Ved hjelp av eit par små garnrestar fekk han seg jammen meg ein stripete gensar òg... Eit genialt prosjekt dersom ein ynskjer å bli kvitt litt restegarn.


Mønsteret til Magnus Hagemus er henta i frå boka til Arne & Carlos - Håndarbeid fra hagen. Denne boka er no på tilbod og kan blant anna kjøpast her.

20. september 2014

Nye strikkebøker

// Annonselenkjer
Strikk er i vinden som aldri før. No som hausten er kommen og strikkesesongen trår til for fullt, står strikkebøkene i kø for å bli utgitt. Så denne hausten har eg sikra meg fleire godbitar til samlinga mi, blant anna "Strikk til mamma og mini", "Strikk meir til nøstebarn" og "Skappelstrikk". Bøkene inneheld utruleg mange flotte oppskrifter. Eg ser fram til å kunne sette meg ned med strikkepinnane og ein kopp med te, spesielt no som det vert kaldare og mørket begynner å senke seg utanfor på kveldstid.


I tillegg til dei tre bøkene ovanfor har eg óg kjøpt bøkene "Håndarbeid fra hagen" av Arne & Carlos og "Strikk til smårollinger". Første prosjekt ut er Arne & Carlos si Hagemus. Har nett begynt på eit eksemplar av Magnus Hagemus i grått og tenkte at han etterkvart også skulle få eit sett med passande klede.


Tips; Boka "Håndarbeid fra hagen" av Arne & Carlos er no på tilbod og kan blant anna kjøpast her :)

18. september 2014

Bursdagsfeiring

Dagane flyr forbi, og ei ny arbeidsveke er snart omme. Etter to travle veker med både reising og bursdagsfeiringar skal det no bli godt å kunne slappe heilt av i helga. I helga som var hadde vi storfint besøk og feira 30-års dagen med familie og vener. 

// På menyen stod blant anna heimelaga pizza og pastasalat

Vi har verkeleg kost oss med fint besøk, god mat, friske bær, cupcake`s og diverse kaker. 
Ein fin dag, med andre ord 

// Pavlovakake med ferske bringebær, jordbær og kiwi, ulike cupcakes og nydeleg osteiskake

Det er ikkje så aller verst å runde 30... I allefall ikkje når mannen i huset hadde bestemt seg for å overraske meg med ei reise til ein noko "hemmeleg" destinasjon. Eg hadde med andre ord ingen anelse om kvar vi skulle. Ikkje før vi svinga inn på parkeringa og Kiel-båten stod foran oss. Ei fantastisk oppleving og ein fin tur 

Og med fin familie, gode vener og flotte kollegaer har overgangen frå 29 til 30 gått smertefritt :)

8. september 2014

Happy 30!

Det er ikkje så aller verst å runde 30... I allefall ikkje når mannen i huset hadde bestemt seg for å overraske meg med ei reise til ein noko "hemmeleg" destinasjon. Eg hadde med andre ord ingen anelse om kvar vi skulle.

Tidleg laurdags morgon reiste vi avgårde og første stopp på turen var Gol Dyrepensjonat. Ein tipp topp stad for hundeferiering, perfekt plassert i flotte og landlege omgjevnadar. Her vart Lucy og Tassen overlevert i trygge hender, medan vi sette kursen vidare mot Oslo.

Image and video hosting by TinyPic

Vel framme i Oslo parkerte vi bilen og gjekk ombord i Color Magic. Med oppgradert lugar og 5-retters middag var det duka for eit fantastisk opphald - i to herlege døgn. Det vart også sett av litt tid til eit besøk i Kiel (Tyskland), medan skipet låg til kai.


Vi har kost oss med shopping, ein tur på båtens eiga spaavdeling, inntatt fleire nydelege måltid, med meir - ja, vi har rett og slett nytt kvarandres selskap.


Eit fantastisk avbrekk frå kvardagen og ikkje minst ein flott avslutning på tilværelsen som 29-åring :)
Tusen takk for ei fantastisk oppleving 

3. september 2014

Blekkspruthals

Her om dagen fann eg ut at eg måtte finne meg eit lite og enkelt prosjekt som eg kunne kose meg med inn i mellom alle dei andre prosjekta som eg har på pinnane i skrivande stund. Valet falt på denne blekkspruthalsen - og eg er strålande fornøgd med det ferdige resultatet. Utan tvil ein flott hals!


Denne halsen har eg valt å strikke i garnet "Emilie" frå Spar Kjøp, og eg har nytta pinne 3,5 mm. Etter nokre timar med koseleg strikk, og ei lita runde med strykejarnet, er halsen no ferdig og klar til bruk.

Oppskrifta på blekkspruthalsen kan du finne her.

1. september 2014

1. september

Tenk, i dag er det første september! Sumaren er over for denne gong og kalendaren syner at den første haustmånaden no er på plass. Personleg elskar eg denne tida av året. Elskar hausten som kjem snikande rundt hjørnet. Elskar dei mørke og koselege kveldane no fram mot jul.


Det er få ting som er så koseleg som å sitje inne når regnet piskar mot ruta. Det å kunne tenne stearinlys no som kveldane fort vert mørkare. Eller kva med å nyte ein stor, varm kopp med te? Kveldskos foran peisen eller under eit varmt pledd i sofaen er heller ikkje å forakte - i allefall ikkje når gradestokken stadig synk. Strikketøy er sjølvsagt også eit nødvendig gode. Hausten er vakker 

24. august 2014

Mini-skappel

"Ein kvar toåring treng ein mini-skappel..." 

Som sagt, så gjort! Eg fann fram eit par strikkepinnar og kort tid etter vart denne gensaren overlevert i bursdagsgåve til ein nydeleg liten kar 


Eg valgte å pynte gensaren med nokre gule detaljar. Hekla ein kant rundt halsen og det gjorde seg også med ein liten "L" for finaste Lukas.


Gensaren er strikka i Hexa-garn (100% alpakka), og pinne nr. 5,0 mm. Eg har stort sett fulgt oppskrifta på "Sophia`s skappel-genser", men har lagt inn eit par justeringar undervegs :)


Strålande fornøgd med resultatet er eg i allefall, så no er eg nok berre fint nøydd til å hive meg rundt og få ferdigstillt ein slik gensar til meg sjølv også.

Forsatt fin søndag til deg!

18. august 2014

Honningkjole

Siste prosjekt av pinnane er Pickles.no sin "Honningkjole". No gjenstår det berre å hekle kantar rundt for- og bakstykket på kjolen, samt å montere knappar. Så kan eg sei meg godt fornøgd med arbeidet.


Denne kjolen er alldeles nydeleg, og den er langt enklare å strikke enn det ein skulle tru, i allefall ut i frå utsjånaden å dømme :) Oppskrift på honningkjolen kan du finne her.

15. august 2014

Kamelsjokk

Vakna til storfint besøk tidleg ein fredags morgon. Synet som møtte meg i det eg såg ut stoveglaset var intet mindre enn fire store (!!!) kamelar. Dette måtte jo berre takast bilete av, og det tok ikkje lange stunda frå eg hadde delt biletet mitt på Instagram til ein journalist i frå NRK slo på tråden. 


No skal det vel leggast til at Sirkus Arnardo holdt til like i nærleiken. Men, det er neimen ikkje kvardagskost med ein kamel i hagen - sjølv om det visstnok ikkje skal vere uvanleg å la kamelane ta seg ein liten luftetur på eigahand. Uansett, artig var det!

#kamel #pårømmen #sirkus #arnardo

9. august 2014

Einingsfjellet

I dag våkna vi til skyfri himmel og strålande sol, og vi bestemte oss straks for å setje kursen mot ytre Fjaler, nærmare bestemt Korssund/Lammetun og Einingsfjellet. Toppen ruvar ikkje høgt med sine 259 moh, men med ei plassering ytterst i Dalsfjorden gjev den likevel ei fantastisk utsikt.


Rett før krysset der vegen delar seg mot Korrsund og Lammetun ligg ei lita avkøyrsle på oppsida av vegen, like ved ein raud trafostasjon. Eit skilt ved vegen syner kvar stien startar. Vegen vidare er godt merkt.
Turen er omlag 3 km t/r.


Utsynet som møter deg på toppen er ubeskriveleg. I sør ser ein mot Krakhellesundet og Solund. I vest kan ein sjå Aralden, Geita fyr, Værlandet, Bulandet og Alden. Nordover finn ein Tvibyrje, Kinn og Atløy, samt dei flotte fjella på nordsida av Vilnesfjorden og Dalsfjorden.


Ein flott tur som kan anbefalast på det varmaste.

Ferietid!

Vi tillbringar delar av ferien vår heime i Dale, heimplassen min. Her nyt vi dagane og kosar oss som best vi kan, saman med papsen. Det er alltid godt å ha han heime ♡ Lucy og Tassen kosar seg óg.

// Dale i Sunnfjord

Vi har ingen store planar for dagen, men eg kunne tenkt meg ein tur ut til Lammetun/Korssundet for ein liten fjelltur vidare opp til Einingsfjellet.

14. juli 2014

Bøttejuv - 1322 moh.

I går bestemte vi oss for å ta turen opp til Bøttejuv. Vi sette kursen mot Årdalstangen og vidare opp i Seimsdalen. Dette er ein tur eg lenge har hatt lyst til å gå, og absolutt ein tur som kan anbefalast; Det å nå fram til toppen var ei fantastisk oppleving.


Turen starta langs ein traktorveg, før den gjekk over til ein gamal stølsveg. Etterkvart tok vi av og fulgte stien oppover, gjennom frodig lauvskog i bratt terreng. Fyrste stopp var Skår. Her var det på sin plass med ein liten pust i bakken og litt påfyll av veske.

//Litt vanskeleg å sjå, men på dette biletet regnar det faktisk oppover :)

Vel framme på toppen har ein ei fantastisk utsikt, men for å kunne nyte det mest imponerande synet av dei alle er ein nøydd å gå litt lenger ned igjen. Her får ein ei nydeleg utsikt over Øvre Årdal - eit imponerande syn.



Herifrå går fjellsida meir enn 1300 meter lodrett ned i Årdalsvatnet.


For ei oppleving!

15. juni 2014

Framgang gjesterom

Då har endeleg gjesterommet fått ein heilt ny utsjånad og jobben med å pusse opp dette rommet nærmar seg slutten. No er det i grunn berre litt småtteri som gjenstår før vi kan sei oss ferdig.

ROMMET FØR;
// Bilete ovanfor er henta i frå prospektet/salsannonsa som låg ute på finn.no, og her kan ein sjå korleis dette rommet såg ut i det vi kjøpte huset.

ROMMET UNDERVEGS;
// Det går framover; Veggar, tak og golv er reve. Nytt og mindre vindauge er blitt sett inn.

// Golvet vert lagt og vi har valt å leggje varmekablar, eller såkalla varmefolie, under. Igjen fall valet på Pergo Laminat Domestic grå eik 3-stav - det same golvet som vi tidlegare la på vårt eige soverom. Love it!

ROMMET NESTEN FERDIG;
// Oppussinga nærmar seg endeleg slutten. Vi har valt å leggje gips på tre av veggane og smartpanel på den siste. Kontrastveggen har vi malt i Lady Pure Color Supermatt, i fargen 0553 Ascott.

Det einaste som står igjen no er å få på plass golv- og hjørnelister. Samt lister rundt ny dør. Så er det berre å begynne med å få på plass seng, nytt klesskap, gardiner, osv. Eg klarar nesten ikkje å vente. 
Det er jo i grunn denne delen som er den kjekkaste.

9. juni 2014

Vel overstått bursdag

Då var gårsdagens feiring av sambuaren og far hans vel overstått for denne gong. Vi har verkeleg kost oss med fint besøk, grilmat, friske bær, is og kaker. Ein fin dag, med andre ord 


// Sjokolademuffins med glasur - dei nydelege muffinsformene kan kjøpast her.


// Pavlovakake med ferske bringebær, jordbær og kiwi.

19. mai 2014

Konkurranse!

Då er det på tide med ein ny konkurranse her på bloggen :) Eg trekkjer ut ein vinnar som stikk av med ein goodiebag beståande av Lulu`s sminkepung - Mini // Victoria`s Secret Body Splash - Coconut Passion, 60 ml // Hot Makeup - Neglelakk // Real Techniques - Foundation Brush //Real Techniques - Miracle Complexion Sponge;


For å delta;
Bli fylgjar av bloggen på facebook - ny side (1 lodd)
Bli fylgjar av bloggen på bloglovin (1 lodd)
Del bilete + link til konkurranse på eigen blogg/facebook (2 lodd)

Maks 4 lodd pr. deltakar.

Hugs å leggje igjen ein kommentar der du skriv kor mange lodd du deltek med i trekninga.
Konkurransen vil bli avslutta måndag 9. juni.

Lykke til!

KONKURRANSEN ER AVSLUTTA
VINNAR ER KONTAKTA

18. mai 2014

Dagens outfit!

Eg har strikka endå eit av desse skjørta som er blitt så utruleg populære. Men, denne gongen har eg lagt opp langt fleire masker og strikka det i størrelse vaksen (small).


Skjørtet er strikka i "Emilie" frå Spar Kjøp. Har strikka det på pinne 4,0 mm, og eg har tatt
utgangspunkt i denne oppskrifta.


Eg har strikka underskjørtet litt kortare enn det som er oppgitt i oppskrifta (2 mønsterrapportar + 12 omg. rett). La opp 252 masker. Når det kjem til felling på skjølve skjørtet har eg valt å felle 2 masker kvar fjerde omgang, totalt 20 gongar, midt bak.



Snora i skjørtet er laga ved hjelp av i-cord. Den mest geniale teknikken nokon sinne. Eit stort pluss for at dei er superenkle å lage. Filmklipp som syner framgongsmåte finn du her.


Alt i alt er eg superfornøgd med dette skjørtet.
Related Posts Plugin for WordPress, Blogger...